ჩინეთიდან იმპორტი ბიზნესისთვის ერთ-ერთი ყველაზე მომგებიანი ნაბიჯია, თუმცა მისი წარმატება დიდწილად სწორ მომწოდებელზეა დამოკიდებული. თუ არასწორ არჩევანს გააკეთებთ, შესაძლოა მიიღოთ უხარისხო პროდუქცია, დაგვიანებული მიწოდება ან თაღლითური გარიგებები. ამიტომ, აუცილებელია, იცოდეთ, როგორ მოძებნოთ სანდო და საიმედო პარტნიორი.

რისკები, რომლებიც უნდა გაითვალისწინოთ

ბევრი ბიზნესი უშვებს შეცდომას და მხოლოდ ონლაინ პლატფორმების მონაცემებზე ეყრდნობა. თუმცა, ეს ყოველთვის არ არის საკმარისი. მთავარი რისკები, რომლებიც უნდა გაითვალისწინოთ, შემდეგია:

• უხარისხო პროდუქცია – ზოგიერთ მწარმოებელს სურს, შეამციროს წარმოების ხარჯები და იყენებს დაბალი ხარისხის მასალებს.
• მიწოდების ვადების დარღვევა – დაგვიანებული ან არასრულყოფილი შეკვეთები ხშირად პრობლემად იქცევა.
• თაღლითობა და გადახდის რისკები – ზოგიერთი კომპანიები რეალურად შუამავლები არიან და არა უშუალო მწარმოებლები, რაც ფასს ზრდის და სანდოობას ამცირებს.
• ენობრივი ბარიერი და კულტურული განსხვავებები – მოლაპარაკებების დროს, ჩინურ ბიზნეს კულტურას აქვს თავისი სპეციფიკა, რომელიც უნდა გაითვალისწინოთ.

როგორ ვიპოვოთ სანდო მომწოდებელი ინტერნეტში?

სანდო მომწოდებლის პოვნა ინტერნეტში მოითხოვს დეტალურ ანალიზსა და გადამოწმებას. ამისათვის შეგიძლიათ გამოიყენოთ შემდეგი მეთოდები:

1. ბაზრის კვლევა და ონლაინ პლატფორმების გამოყენება – პლატფორმები, როგორიცაა Alibaba, Global Sources და Made-in-China, საშუალებას გაძლევთ მოიძიოთ მომწოდებლები სხვადასხვა ინდუსტრიებში. ყურადღება მიაქციეთ მიმოხილვებს, მომხმარებელთა შეფასებებს და კომპანიის არსებობის ისტორიას.
2. სერტიფიკატებისა და ლიცენზიების შემოწმება – სანდო მომწოდებლებს უნდა ჰქონდეთ შესაბამისი სერტიფიკატები და ლიცენზიები. შეამოწმეთ ISO, CE, RoHS და სხვა შესაბამისი დოკუმენტები, რომლებიც ადასტურებენ ხარისხსა და სტანდარტებს.
3. საპილოტე შეკვეთა და ნიმუშების შემოწმება – სანამ დიდ შეკვეთას გააკეთებთ, მოითხოვეთ პროდუქციის ნიმუშები. ეს დაგეხმარებათ ხარისხის დადგენაში და თავიდან აგარიდებთ არასასურველ სიურპრიზებს.
4. მიმოხილვები და წარსული კლიენტების გამოცდილება – მოძებნეთ ინფორმაცია მომწოდებლის შესახებ მესამე მხარის ვებსაიტებზე, ფორუმებსა და სოციალურ ქსელებში. მომხმარებელთა უკუკავშირი ხშირად აძლევს ნათელ სურათს კომპანიის სანდოობაზე.
5. ვიდეო ზარები და ქარხნის ვირტუალური ტური – სანდო მომწოდებლები მზად არიან, გაჩვენონ თავიანთი საწარმოები ვიდეო ზარის საშუალებით. ეს მეთოდი საშუალებას გაძლევთ ნახოთ წარმოების პროცესი და შეაფასოთ მათი რეალური შესაძლებლობები.
6. მოლაპარაკებები და კონტრაქტების გაფორმება – აუცილებელია, რომ ყველა შეთანხმება იყოს წერილობითი და გაფორმებული კონტრაქტის სახით. დარწმუნდით, რომ დოკუმენტებში მითითებულია ყველა მნიშვნელოვანი პირობა, მათ შორის ფასი, მიწოდების ვადები და ხარისხის სტანდარტები.
7. გადახდის უსაფრთხო მეთოდები – ყოველთვის გამოიყენეთ დაცული გადახდის მეთოდები,  უსაფრთხო ონლაინ პლატფორმების გადახდის სისტემები. არასდროს გააგზავნოთ სრული თანხა წინასწარ, სანამ არ დარწმუნდებით, რომ მომწოდებელი სანდოა.

რატომ უნდა გვენდოთ ჩვენ?

თუ არ გსურთ დროის დაკარგვა და რისკების საკუთარ თავზე აღება, ჩვენ შეგვიძლია დაგეხმაროთ სანდო მომწოდებლების შერჩევაში. ჩვენი კომპანია 2018 წლიდან ეხმარება ქართველ მეწარმეებს, მოძებნონ საიმედო პარტნიორები ჩინეთში. ჩვენ გვყავს ქართველი და ჩინელი სპეციალისტებისგან შემდგარი გუნდი, რომელიც ადგილზე ამოწმებს მომწოდებლებს, აწარმოებს მოლაპარაკებებს, უზრუნველყოფს ხარისხის კონტროლს და ლოჯისტიკურ პროცესებს მართავს.

თუ გსურთ, რომ თქვენი იმპორტი იყოს უსაფრთხო, ეფექტური და მომგებიანი, დაგვიკავშირდით და ჩვენ დაგეხმარებით სწორი გადაწყვეტილებების მიღებაში.

• business@silkaccess.com
• +995 595 10 66 10
• +995 32 270 66 70